Naka meh hari ti besebun ngelama tu, nie bala madi. Mayuh meh sebana bala mensia ka bisi didinga bekenangka pekara ti senentang hari ti besebun tu. Bisi kedua kutap-kutap madahka pemeli bala urang ka bumai ti betunuka umai baik ka bumai paya tauka bumai bukit. Balat meh pandak runding urang tu ba penemu aku. Enti nadai urang ka ngaga umai dini meh bala urang ka nadai begagaka umai ulih makai deh? Enti sema hari nyau besebun nya sigi pengawa perintah ti nyaga pengelikun menua kita. Kapa sida enda kiruh deh. Ngambika banding sida suah agi nyalahka rakyat Sarawak (Borneo) ti bagas betunuka umai tang nadai sida deka nulong nganjung mesin-mesin kena bumai kitu ngambi enda agi kitai menua bumai bepanggai ba pengawa nunu meresi dandang umai. Sida ba Malaya din nama deh, betagaring ba injin kena bumai. Ciiiitttttt!!
Hari besebun ba Kuching. Nyau ka nadai dipeda E-Mart Matang lemai nya. Gunung Serapi sigi alit gasakka sebun. Balat-balat, gasak amatka bumai bala menyadi, ngambika bala perintah ba negeri bisi chapuh.
No comments:
Post a Comment