Pages

Friday, July 3, 2009

Iban Nganti P.Ramlee

'Pengerindu Tua' nya meh keterubah kitai Iban nguji enggau urang ngeruh ai ba industri pemerindang dalam dunya melakun. Udah nya lalu bisi ba kedua nguji ngaga VCD melakun macam-macam cerita tang mayuh agi ka nguji jerita jenaka, nyentok ka Mr Os ari Malaya nyin pan enggau urang kiruh ke Sarawak engka deka nguji market ditu udahka nadai agi ruang ba Malaya din. Kati ke deh? Periuk asi tudah nyau enda berasap agi.

Pulai ngagai kita sebuat ke ka enggau urang ngeruh ai dalam dunya melakun tu, sigi nadai entu pemujur peda aku laban taun-taun ka udah nadai agi ga bala kompeni rindu ngaduka pengawa tu. Sayau endar laban kitai bansa sigi bisi penau melakun semina bala ka dulu-dulu suba nadai ngiga penau mensia enggau silik. Tetak enggau jaku bukai semina 'tangkap muat' aja. Tambah mega kitai sebuat nadai kepakaran ko laut baka pengarah, kamera, lampu enggau utai bukai ti besangkut paut enggau industri tu.

Uji kitai beratika penau kitai sebuat melakun dalam jaku Iban ba baruh tu ulih ga baka enggi urang nya peda aku. Munyi ko aku tadi nadai bebendar ka ngaduka ia enggau manah. Hopefully, kompeni sida Peter & Sijah ba Miri enggau Golden Pearl ba Kuching bisi penau amat peda aku enti ngaduka video klip. Enti sema ka ngaduka pan anang enda bejalai ngiga penau mensia baka program Anak Wayang mandangka ngagai kitai bala menyadi kitai ba Malaya din mementingkan kualiti.

Bedau kitai melakun agi, nginjau nyawa pan udah manah dinga aku. Sida tu endang sigi bisi pengingin ti tinggi deka melakun tang nadai kedaya laban industri pemerindang kitai sebuat agi mit. Ka pan nginjau ngurang meh tudah.

Sayau endar, penau sida tu tebasau pia aja. Kati ka penemu bala mayuh deh? Setuju ka enda enggau penemu aku tu.

3 comments:

MR SANUH said...

there r so many talented ibans and other individuals out there but the most common problem that these individuals is that they do not have the $$$ support. With the $$$$ support, it would be difficult to get the right people to help.

PANGGAU BORNEO said...

Ko aku pia meh kaban.

Anonymous said...

Dayak community have to stop spend money on liquors, cigarettes and "sabung ayam". We must stop this bad culture. Better save & invest money rather then spend to these doodads. That's why dayak (including myself) are poor and left behind compare to other races.